سلسلة نصائح للمربى المبتدأ في مجال تربية الدواجن/م.عاطف

Abu Jumana

تجميعة نصائح للمربى المبتدأ في مجال تربية الدواجن/م.عاطف عبد الدايم

"مهندس عاطف عبد الدايم" "عاطف عبد الدايم والدواجن" "عاطف عبد الدايم ومزارع الطيور" "دروس عاطف عبد الدايم" "تربية الدواجن" "تربية الدواجن البيضاء" "تربية الدواجن على السلك" "تربية الدواجن pdf" "تربية الدواجن بالاعشاب" "تربية الدواجن البلدى" "تربية الدواجن البياض" "تربية الدواجن في بطاريات" "تربية الدواجن فوق السطح" "تربية الدواجن البياضة" "تربية الدواجن الساسو" "تربية الدواجن البيضاء محمد سمعه" "تربية الدواجن البيض" "تربية الدواجن البيضاء من عمر يوم" "تربية الدواجن doc" "تربية الدواجن ورعايتها doc" "بحث عن تربية الدواجن doc" "تربية الدواجن traduction en français" "تربية الدواجن in english" "تربية الدواجن 3 حروف" "تربيه الدواجن في المنزل" "تربيه الدواجن في عمان" "تربية الدواجن في المنزل" "تربية الدجاج geant" "تربية.الدواجن" "كيفية تربية الدواجن" "ouedkniss تربية الدواجن" "تربية الدواجن ppt" "تربية الدجاج pdf" "تربية الدواجن البيضاء pdf" "تربية امهات الدواجن pdf" "تربية الدواجن اللاحم pdf" "تربية وتحسين الدواجن pdf" "تربية الدواجن البياض pdf" "translation تربية الدواجن" "traduire تربية الدواجن" "تربية الدجاج video" "يوتيوب تربية الدجاج" "فيديو تربية الدجاج" "تربية الدواجن wikipedia" "تربية الدواجن ويكيبيديا" "تربية الدواجن youtube" "تربية الدواجن البيضاء فى بطاريات" "تربية الدواجن البيضاء في المنزل" "تربية الدواجن البيضاء بالاعشاب" "تربية الدواجن البيضاء فى الصيف" "تربية الدواجن البيضاء في الشتاء" "تربية الفراخ البيضاء pdf" "كيفية تربية الدواجن البيضاء pdf" "تربيه الدواجن البيضاء من الالف الى الياء" "تربيه الدواجن البيضاء محمد سمعه" "تربية الدجاج على السلك" "تربية الدواجن على سلك" "تربية الدواجن ورعايتها pdf" "مشروع تربية الدواجن pdf" "تربية الدواجن بالاعشاب من الالف الى الياء" "برنامج تربية الدواجن بالاعشاب"

نصائح للمربى المبتدأ في مجال تربية الدواجن

نصيحة للمربي المبتدأ في تربية الدواجن(1)

هنقول حاجة تفيد المربى المبتدا واكيد المربى القديم عارفها

وهى طريقة تقصر بيها طول الدورة بيوم او يومين على الاقل

من المعروف ان فية حالات خمول ونشاط للطير على مدار اليوم فاولا هتراقب حالات الخمول والنشاط دى وهتسجلها عندك

ومن المعروف ان اوقات الخمول بتتعدى ال 3 ساعات فى اغلبها

فحضرتك او العامل اللى عندك هتمشى جنب الجدار وتحرك الطيور على فترات متباعدة

هختار الفترات دى ازاى؟؟؟؟؟؟؟؟؟؟؟؟؟؟؟؟؟؟؟؟؟؟

هى الفترة اللى بعد مرور اقل حاجة ساعة من اوقات الخمول دى

يعنى مثلا راقبت قطيعى ولا حظت انة عندة خمول بيبدا الساعة 1 ظهرا وكدا كدا هيتشطو لوحدهم على الساعة 4 نشاط كامل ( لان فية اوقات نشاط جزئى )

فانا الساعة 2 الى 2.5 هحركهم وبكدا هيقومو ياكلو

وهنظبق الموضوع دا على كل اوقات الخمول على مدار اليوم وهم تقريبا 5 فترات

وبكدا هتلاقى العلف المقرر لكل طير خلص بدرى شوية

سبب اننا هنحركهم من جانب الجدار هو ان غالبية الخمول او الافراد الصغيرة بتتجمع جنب الجدار وبكدا هنقلل من الافراد دا طبعا لو مساحة التعليف مناسبة والحرارة والفرشة

مع تحياتى وشكرا

مهندس عاطف عبد الدايم

ــــــــــــــــــــــــــــــــــــــــــــــــــــــــــــــــــــــــــــــــــــ

تكملة لسلسة ملاحظات للمربى المبتدأ في تربية الدواجن(2)

ملحوظة صغيرة كتير من المربين يغفل عنها او يعتقد انها بسيطة

وهو فى فترة الحضانة لازم رفع السقايات اليدوية مع على الفرشة باى بلاط او اى حامل على حسب امكانياتك

عدم رفع السقاية هيخلى الفرشة تسقط فيها

الفرشة دى مادة عضوية

واى مادة عضوية بتقلل من مفعول اى دوا بل بعض الادوية بتكون عديمة الجدوى فى وجود المواد الغضوية

يعنى حضرتك خسرت فلوس ادوية

خسرت برنامج وقاية انت معتقد انك عملتة

خسرت مية نقية تعمل هضم وامتصاص للعلف

تسبت فى تجمع ميكروبى فى السقايات

فلو سمحت ارفع السقاية عن النسارة باى حاجة تكون على مستوى راس صدر الكتكوت

اللهم اجعل عملنا هذا خالص لوجهك الكريم

مع تحياتى وشكرا

مهندس عاطف عبد الدايم

ــــــــــــــــــــــــــــــــــــــــــــــــــــــــــــــــــــــــــــــــــــــــــ

تكملة نصايح المربى المبتدأ في تربية الدواجن(3)

الملحوظة التانية

العلف

احرص اخى المربى على زيادة مساحة التعليف علشان كل كتكوت يلاقى مكانة على العلف وبالتالى يقل معاك السردة ويكون تفاوت الاحجام اقل ما يمكن

فاحنا عاوزين من حضرتك اقل حاجة 20 طبق تحضين لكل 1000 كتكوت

ودى افضل مساحة تعليف فى فترة التحضين

دا بالنسبة للعنابر المفتوحة

المعلق لة كلام تانى خالص لان شغلة اتوماتيك

طيب قبل ما تجى الكتكوت باقل حاجة 3 ساعات هننزل العلف

وفية امور فية حاول تعملها

اولا * مش هنملى الطبق للاخر اكثر حاجة نص الطبق علشان كل ما الطبق يكون مليان كل ما زاد الهدر

فزى ما قلنا قبل كدا الطبق مليان يعنى 12% هدر علف

الطبق 75% من الطبق مليان يعنى هدر فى العلف 7%

لاكن نص الطبق الهدر بتاعة 1%

ثانيا افضل طريقة علف

1) اعلف على مرتين فى اليوم لعدة اسباب منها ان العلف مش هيكون معرض لحرارة التحضين لفترة طويلة مما ياثر علية

2) العلف الطازج بيكون كامل القيمة

3) يقلل الهدر

4) العلف مرتين بيزود الاستهلاك بسبب حركتك وسط الكتاكيت

ثالثا وانت بتعلف اعمل اشكال يعنى حط العلف على شكل هرمى وسط الطبق الشكل دا بيشد الكتكوت اكثر

كمان بيكون الهدر قليل لان على ما يجى ينكش برجلية مش هيخرج برة الطبق لان العلف متمركز فى الوسط بس

رابعا ** خطا يقع فية كثير من المربين

لما تنزل العلف متحطوش فى الحضانة اقصد العلف اللى فى الاكياس علشان ميخدش حرارة الحضانة بعكس المية

يعنى خلية خارج الحضانة وهات من على قدر العلفة فقط

لان فية العلف بعض مكونات اعلف بتتاثر بحرارة الحضانة مثل الفيتمينات اللى بتتكسر بالحرارة

وكمان بعض اضافات الاعلاف بيقل مفعولها فى الحرارة

خامسا الحضانة بيكون مساحتها اقل حاجة 0.25 المساحة الكلية يعنى ربعها علشان تعرف توزع الاطباق بحرية وكل الكتاكيت تاخد راحتها

سادسا

انتبة من الخطا دا

متعلفش غير لما العلف يخلص تمام لسبب ان اولا الكتكوت بياكل وبيسيب الفتات مع العلم ان الفتات دا المركز كلة فسيبة لغاية لما يخلصة

كمان لو علفت فوقة هيكون الكمية دى دايما تحت ومن كثر تراكمها هتعمل سموم

وتبص فى الاخر تلاقى عندك نافق من حيث لا تدرى

سابعا واخيرا

سيب ساعة بين العلفة والاخرى دى هتعمل معاك استهلاك علف جيد وهدر اقل ومساحة للهضم كويسة

مع تحياتى وشكرا

مهندس عاطف عبد الدايم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تكملة لسلسة نصايح للمربى المبتدا في مجال الدواجن (4)

اتكلمنا قبل كدا على المية والعلف

اليوم هنتكلم عن الفرشة

** احرص اخى المربى على فرشة مناسبة درجة امتصاصها للرطوبة عالية زى نشارة الخشب الخشنة

واحرص ان متكونش ناعمة لان الناعمة بتمسك فى بعضها وبتزود الرطوبة وتزيد فرصة الاصابة بامراض الفرشة(كوكسيديا - كلستريديا)

** افرش قبل وصول الكتاكيت باقل حاجة 12 ساعة الى 24 ساعة ويكون الفرش متزامنة مع بداية التدفئة لية؟؟؟؟؟؟؟؟؟

علشان نرفع حرارة الفرشة

ورفع درجتها لها اكثر من فايدة منها المحافظة على تجانس الحرارة

كمان بيقلل التفاوت فى الاحجام والسردة وفوايد اخرى

** اهم فنيات الفرشة هى تكون مستوية علشان نمنع حاجة اسمها الجيب الحرارى يعنى مكان فية حرارة مناسبة والكتاكيت تتجمع فية ومكان اخر الحرارة غير مناسبة وبالتالى مش هيكون فية توزيع جيد للكتاكيت وهتعمل سردة او تفاوت احجام

** من الفنيات الاخرى اخلط لكل كيس نشارة وزنة 50 كيلو 1 كيلو جير

بس اخلطة خلط جيد والموضوع دا هيفيد تاخير ظهور الرطوبة وتطهير الفرشة

** احرض اخى المربى على ان يكون سمك الفرشة لا يقل عن 7 سم خاصة فى الشتا لان السمك الكبير دا بيتفيد فى امور كبير جدا زى سهولة التدفئة قلة مشاكل اللحم قلة فرصة الجيب الحرارى وتقليل الرطوبة وبيحسن التحويل

** لو المنطقة عندك رطوبتها عالية

اعمل الاتى افرش 4 سم نشارة مخلوطة ب الجير زى ما قلنا وكل اسبوع افرض 1 سم طبقة نشارة جديدة وبكدا هتفضل النشارة دايما جافة

** احرض اخى المربى على عدم وجود اخشاب او مواد معدنية فى النشارة لان دا بيعمل كدمات فى الطيور وبيساعد فى ظهور ميكروب الاستاف

** اخرى المربى احذر من النشارة الباردة فى الجو دا لان بيقلل حرارة الكتكوت يعنى لازم الفرشة تكون دافية

مع تحياتى وشكرا

مهندس عاطف عبد الدايم

تكملة لسلسة نصايح للمربى المبتدا

ــــــــــــــــــــــــــــــــــــــــــــــــــــــــــــــــــــــــــــــــــــ

التدفئة

طبعا فى جو زى دا بيشتكى تقريبا 90%من مناطق التربية بالفيروسات التنفسية

وجب الاهتمام بالحرارة والتدفئة ووجب على المربى انة دايمة يحرض على حرارة اعلى من معدلها حتى لو بدرجة واحدة

يعنى الاستقبال هيكون على حرارة 35 درجة

ونشغل الدفيات قبل الكتكوت ما يجى باقل حاجة 12 الى 24 ساعة علشان الجدران والارضية والفرشة تاخد حرارتها

دا لمدة اول 48 ساعة

واليوم الثالث 34

ونكمل الاسبوع الاول 33 درجة

الاسبوع التانى حرارة 31 الى 32

الثالث من 30 الى 31

وكمل الدورة على 28 الى 29

لاكن عاوزن الحراة تحت الدفاية اعلى درجتين عن المعدل يعنى فى اول يوم عاوزينها 36 اقل حاجة

طبعا مفيش كتاكيت هتكون تحت الدفاية

ولو كانت الحرارة تحت الدفاية كدا فهتكون على بعد 2 متر 34 وعلى بعد 4 متر من الدفاية من 23 الى 33 ودى فرقات تعتبر مقبولة

وخلى بين كل دفاية والاخرى 6 متر

ارتفاع الدفاية حاول انة لا يرتفع عن 1.5 متر

لانك كل ما رفعتة كل ما غطت مساحة اعلى من التدفئة لاكنها بحرارة اقل

اذا ظهر عند بداية اصوات تنفسية فى العمر الكبير حاول الا يقل حرارة العنبر خاصة فى اليل عن 28 وفى النهار 29 الى 30

من الامور الفنية

لو عاوز تعمل تهوية وخايف الحرارة تنزل

هتفتح الشبابيك بزاوية بسيطة من البحرى وتفتحها للنص من القبلى وترفع الدفايات علشان يسخنلك الهواء البارد اللى داخل

لو انت فى يوم مشمس وكنت فاصل الدفايات فى النهار حاول تشغل الدفايات وحرارة العنبر لسة كويسة يعنى بعد العصر بشوية

علشان حرارة الشمس مع هتساعد حرارة الدفيات اللى ترفعبسرعة وتعطى حرارة للجدران والارضية والفرشة مش تنتظر لما الحرارة الخارجية تقل وبعدين تشغل الدفيات لان لو عملت كدا مش هتطلع معاك الحرارة بسهولة وهيحصل نزلة برد للقطيع

من الامور الفنية المهمة

ان الحرارة خارج الحضانة او ستارة التحضين مش يكون الفرق بينها وبين حرارة الحضانة اعلى من 6 درجات

يعنى لو لقيتها منخفضة حط فيها حتى لو دفاية او دفايتين

فية قانون لو عملتة هتعمل افضل تحويل

تهوية + تدفية = تحويل جيد

** انك تحط دفايات بزيادة ويكون الحكم فى الحرارة من خلال محبس الدفاية خير لك من ان تكوت الدفايات اقل من المطلوب ف تجبر انك تشغلها على اخر درجة وتفضى منك وعلى ما تغيرها المنطقة تاخد برد اللى متواجد فيها الدفاية

** من الامور اللى بتوفر فى التدفئة

1- عزل العنبر بالبتومين

2- خلى الستارة بتاعة الحضانة من المشمع او البلاستيك افضل من الخيش او القماش او اكياس العلف

3- اعمل ستاير بلاستيك على الجدران وتكون متفصلة من عند فتحات التهوية علشان لما تحب تفتح تهوية تزيح الستارة

4- عزل السقف باى حاجة حتى لو بالات القش

5- اشتغل حرارة النهار فى مساعدة الدفاية انها تقوم بدورها اسرع من الطبيعى زى ما وضحنا فوق

مع تحياتى وشكرا

مهندس عاطف عبد الدايم

ـــــــــــــــــــــــــــــــــــــــــــــــــــــــــــــ

ملحوظة حقلية للمربى المبتدا في مجال تربية الدواجن(5)

اللى بيستعمل طريقة الشرب المفتوحة سواء يدوى او جامبو او اى حاجة غير النبل

المية دى بتتعرض لحاجة اسمها هبو العنبر

ودى ذرات دقيقة جدا موجودة فى جميع العنابر

اللى هى تلاقيها زى التراب المتراكم على الجدار والمعدات

المهم تراكم الذرات دى بيزيد العبئ الميكروبى فى المية

ودا من اهم اسباب الاسهال البنى بعد عمر 7 ايام

الكلام دا مش موجود فى النبل لانة مش مكشوف

كل ما تركنا السقايات من غير نظافة كل ما زاد خطر الذرات دى

وزاد معاها الاسهال البنى دا

والحل الوحيد

هو تنظيف السقايات كل يوم الصباح

بكدا تقلل من الذرات دى

دا شغل الرعاية اليومى اللى المفروض نكون كلنا بنعملة

اللهم اجهل هذا العمل خالص لوجهك الكريم

مع تحياتى وشكرا

مهندس عاطف عبد الدايم

تكملة نصايح المربى المبتدأ

التدريج فى التهوية بالنسبة للمربى المبتدا

فى التهوية عاوزين نعمل تبادل هواء الحضانة بهواء طازج من الخارج بدون ما نبرد الكتاكيت او بدون ما يمر تيار هواء مباشر عليها

الاساس فى الموضوع هو عدم انخفاض درجة الحرارة عن المقرر

يعنى الاستقابل على 35 ثم نزولها تدريجى حسب العمر

طيب التدريج هيكون ازاى لو عاوزين نعمل تهوية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا هنفتح الستارة بتاعة التحضين

طبعا بنكون مثبتينها من اعلى الى اسفل ويفضل تثبيتها بخمس درجات

يعنى هنفتح من تحت الى فوق

كل مرة درجة على حسب الاحتياج للتهوية

لو قامت بالواجب خلاص

لو مش قامت بالواجب

هنفتح شباك من القبلى خارج الحضانة يعنى عكس الجهة البحرية ودى هتكون المرحلة التانية

وهنزود التهوية البحرية دى على حسب الاحتياج للتهوية بدون انخفاض عن الحرارة المطلوبة

كل دا طبعا خارح الحضانة علشان منعملش هواء مباشر على الطيور داخل الحضانة

لو لم تقم بالدور

هنتنقل للمرحلة اللى بعدها

وهى فتح القبلى داخل الحضانة من فوق بالتدريج الى الوصول للتهوية المطلوبة

ثم نتنتقل الى فتح باقى القبلى لو لسة مجاش التهوية المطلوبة

ثم فتح البحرى شباك كل باكيتين

من الصف العلوى

ثم زيادة الشبابيك بالتدريج بحيث تكون متوزعة توزيع منتظم على الحضانة

المزارع اللى فيها مراوح شفط

هتكون اخر مرحلة للتهوية وهى ايضا هتكون تدريجى

يعنى فتح الشفاط مع فتح شباك قبلى خارج الحضانة ويكون اخر شباك فى العنبر

وبعد كدا هنزود فتحات الشبابيك على حسب الاحتياج للتهوية

بس يكون بطريقة غير مباشرة

الكلام دا للعنابر المفتوحة او النص مغلقة

الفكرة كلها فى التدريج للتهوية بيحث نهوى ندون ضرر

مع تحياتى وشكرا

مهندس عاطف عبد الدايم

ــــــــــــــــــــــــــــــــــــــــــــــــــــــــــــــــــــــــــــــ

تكملة النصايح للمربى المبتدأ في مجال الدواجن(6)

بوست خفيف للمربى المبتدا

كتبنا قبل كدا على 6 بوستات لو جمعناهم مع بعض هنلم المام تام بالرعاية للمربى المبتدأ

وهنبدا فى بعض الملاحظات الخفيفة اللتى تفيد فى رفع مستوى الرعاية

ملحوظة اولى

افصل بين كل علفة واخرى ب 1 الى 2 ساعة

ودى فوايدها كتير

منها تحسين الهضم

هترفع معدل التحويل

هتقلل هدر العلف

هتخلى الطير ياكل العلف الناعم المتبقى تحت واللى مليان بروتين وفيتامين واضافات اعلاف وبكدا مفيش تجانس فى اكل العلف وبالتالى هيزيد التفاوات فى الاحجام فى نفس العنبر

ملحوظة تانية

احرض كل الحرص ان ترفع مستوى السقايات والعلافات

الى مستوى الطير

بس اللى يهمنى هنا رفع منسوب الساقية الى اعلى من الصدر بقليل

بس اظبط المستوى على اقل حجم فى العنبر

ودى هتفيد فى امور كتيرة جدا

هتقلل هدر المية

هتقلل رطوبة الفرشة جدا

بالتالى هتقل معاها امراض الفرشة (كوكسيديا -كولستريديا)

هتقلل ما يسمى عفن الفرشة اللى بتنتج من تفاعل الفرشة مع الرطوبة مع الزرق

هتقلل الامونيا

هتقلل السموم الفطرية الناتجة من تفاعل العلف مع المية

دى فوايدها كتيرة جدا

حتى هترفع من كفاءة اى دوا فى المية لان الارتفاع دا هيقلل تساقط الزرق وما بة من مواد عضوية فى السقاية ويقل بدورة اى دوا لان كتير جدا من الادوية بتقل كفائتها فى وجود المواد العضوية

احرص اخى المربى على الملحوظتين دول

وبامر الله لو لقينا اقبال على البوست هننزل سلسلة حقلية من ملاحظات للمربى المبتدا

اللهم اجعل عملنا هذا خالص لوجهك الكريم

مع تحياتى وشكرا

مهندس عاطف عبد الدايم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شاهد ايضا للمهندس/ عاطف عبد الدايم