 |
| قصائد حزينة |
صورة ناقصة
......
زعلان علشان الضحكة ف صورتك مش الوان
مضايق من شكلك ديما علشان ف الصورة طالع بهتان
مهو يمكن العيب مش منك ولا حتى عشان جواك احزان
العيب من ناس بعدت عنك.. كان ليها مكان ف الصورة زمان
انا زيك وكلامي كلامك والبصة بتعتي بتشبه ليك
انا واحد ذاق نفس الاامك لكن انت الوحدة جديدة عليك
اعراض الوحدة ف اولها هتحب كتير تقفل بابك
وبرغم الاوضة وضيقتها هتكفي تشيل كل حياتك
هتلاقي سرير ودولاب تفكير بيشيل في حكاوي بقت ذكرى
هتلاقي مراية بتحلف ليك امبارح احسن من بكرا
وهتعرض ليك افلام في شريط ابطالة خلاص مبقوش وياك
وحنين الماضي هينده ليك وهتصحي حجات نامت جواك
وهتضحك وبدون ما تلاحظ انك بتسافر في ثواني
وهتحزن من بعد ما ترجع لملامح اوضتك من تاني
راح تسمع صوت ديما برا بينادي عليك ويقول اطلع
تيجي تطلع تلقى الماضي وراك بيشد ايديك علشان ترجع
وهتطلع ليه ولمين وعشان.. وتعيش بالروح المكسورة
يرجى الاشتراك في المدونة لكي تسطتيع اضافة تعليق ونشكركم جدا على حسن المتابعة : فريق عمل كوكب الصين