اسباب موت كتاكيت السمان بالرغم من خبرة المربي

اسباب موت كتاكيت السمان بالرغم من خبرة المربي

كتاكيت السمان

معلومة حابب اقولها لمربيين السمان سواء الناس القديمة او الجديدة وبقصد الناس اللي بيموت منها كتاكيت السمان في اول اسبوع تربية بالرغم من انهم بيكونوا على دراية تامة بنظام التحضين وبيعملوا اللي عليهم وزيادة في التحضين والاستقبال لكن بردو للأ سف بيحصل نافق وبأعداد كبيرة .


يا جماعة 50% من نافق كتاكيت السمان في الاسبوع الاول من التربية بيكون سببها امراض وراثية من الامهات والاهالي وده لان كتير من معامل التفريخ  لطيور السمان لا تعطي جدول تحصين لقطيع الامهات.

 اسباب امتناع اصحاب معامل التفريخ من تحصين امهات السمان 

تحصين قطيع  الامهات لطيور السمان  مقارنة بأسعار السمان وسوق السمان فهو للأسف بيكون مكلف وعشان كدة انت متفرحش بسعر الكتكوت الرخيص .

البعض من اصحاب المعامل وبالاخص المعامل الصغيرة او المنزلية والتي تبيع كتاكيت السمان بأسعار رخيصة ,البعض منهم ليس عنده الخبرة والدراية الكافية عن جداول تحصين الامهات .

اتجاه الكثير من مربيين السمان للتسمين من  بيع السمان فقط  الى  شراء فقاسات والبدء في تفريخ كتاكيت وبيعها ومنافسة المعامل الكبيرة , هذا الامر جعل سوق السمان مفتوح على مصرعية وممتلئ بكتاكيت سمان معروضة للبيع مجهولة المصدر للأمهات سواء كانت جيدة او مصابة بالامراض ,للعلم ان انشاء قطيع من الامهات ليس بالسهولة التي يراها البعض وتحتاج الى نظام علمي جيد وخبرة كبيرة في التفريخ

ولذالك اذا قام معمل بعرض  كتكوت بسعر 3 جنية وانت واثق ان المعمل هذا يعطي  تحصينات وعنده قطيع سلالة جيدة وخالية من الامراض ويقوم بتطبيق  نظام التفريخ بصورة علمية ونظيفة .فبنصحك تدفع ال3 جنية ولا تدفعها  في كتكوت من معمل منزلي وصغير  ولا يتطبق انظمة التحصينات للأمهات  حتى لو عرض عليك الكتكوت ب50 قرش

هتعلف وتصرف وتتعب وتتبهدل والنافق في الاخر هيضيع كل تعبك ومجهودك في غمضة عين .

بردو ضعف_التحويل_والوزن  بيكونوا سببهم اما  بردو عامل وراثي بيأثر على سرعة التحويل او نظام تغذية سيئ
حتى في البشر انت ممكن تشوف طفل نحيف جدا وبيقولك ان عودة كدة طبيعي لان ابوه نحيف او امة نحيفة ,وبتشوف عائلات ثمينة الاب والام والاولاد وده بردو بيكون سببها اغلبها عوامل وراثية بتوصل للجدود فالامر ينطبق ايضا على الطيور
وفي النهاية .المصدر الجيد واللي بيطبق النظم العلمية على قطيع الامهات وبيصرف على الامهات  بيتوقف عليه عوامل كتير جدا لنجاح مشروعك انت لما تشتري منه كتاكيت ..

طيب لية الكتاكيت مش بتموت من اول يوم او يومين وتستني لحد اسبوع وتبدء تموت.؟.
طبعا المعمل الرديئ بيقولك ان المشكلة من عندك وان اكيد انت عملت حاجة غلط ادت لظهور النافق وبيبعد التهمة عنه وانت بتقتنع بكلامة .
وانا هقولكم اية بيحصل بالظبط بعد ما تشتري الكتاكيت

كتكوت السمان بعد خروجة من البيضة بيكون به كيس يسمى كيس المح

ما هو كيس المح في كتكوت السمان

لماذا لا تؤثر هذة الامراض والفيروسات على قطيع امهات السمان.؟.