بما ان الاعلاف في الفترة الاخيرة اصبحت غالية فلابد  انك تدير امورك ببدائل للتسمين عشان توفر معاك شوية في المصاريف واذا كنت بتربي البط بغرض الاستفادة باللحم واكله او بغرض التجارة فلازم في نهاية دورة التربية  تحس انك بردو اما جاب همه معاك وطلعت بإستفادة او بهامش ربح يشجعك انك تكمل التربية تاني .

اصعب نوع فيتامين بيكون صعب توفيرة للطيور عامتا هو البروتين وده اللي بيكون المسؤل رقم واحد عن التسمين ورفع الاوزان 

البروتين في العلف بتوفره الفول الصويا عشان كدة هو اغلى شيء في تكوين العلف هو ومركزات البروتين

وبسبب كدة كان المربي مجبر انه يحاول يشوف اي بديل للبروتين يكون سعره رخيص وكمان يرفع معاه الاوزان واول شيء فكر فية المربي هو تقديم السمك للبط.

السمك مصدر قوي جدا للبروتين وهو مفيد لطيور البط واي كائن حي حتى الانسان نفسه

لكن على الرغم من السمك بيحتوي على نسبه بروتين بتوصل في كل 100 جرام ل 25 جرام بروتين إلا ان هناك ظروف معينه وطرق يجب معرفتها قبل تقديم السمك للبط وبردو في عيوب للسمك لما بنقدمه  للطيور .

اول حاجة هنقولها هي مميزات السمك والفيتامينات والمعادن الموجودة في السمك

زي ما قولنا كل 100 جرام من السمك بيحتوي على

كمان  السمك مصدر قوي جدا انه يمد طيور البط بعنصر اوميجا 3 الدهنية وفيتامين د  واللي بدورهم  بيرفعوا من قوة جهاز المناعة وعلاج الالتهابات الداخلية  ويحسن من قوة مقاومة الامراض والفيروسات. واوميجا 3 الدهني بيكون طبقة دهون تحت الجلد بتعمل كحماية لطيور البط في الشتاء من نزلات البرد وبتساعدهم على رفع حرارة الجسم والشعور بالدفئ..

بيحتوي السمك على الكالسيوم المفيد لتقوية العظام وتغذية الريش ورفع كفاءة التخصيب وكمان انتاج بيض خالي من العيوب.

نسبة البروتين العالية في السمك بترفع من كفاءة التحويل وزيادة الاوزان لطيور البط .

هناك عيوب ومشاكل قد يسببها السمك اذا تم تقديمة للبط بصورة خاطئة ولذالك سوف نوضح هذة العيوب ومتى يجب تقديم السمك للبط بصورة صحيحة للإستفادة بالبروتين المتواجد فيه.

طيب احنا كدة اتكلمنا عن المميزات اية هي بقى العيوب

العيوب هي ان السمك بيأثر على ريحة لحم البط وبيرفع من نسبة الزفارة عشان كدة لازم قبل الدبح او البيع بفترة يتوقف تقديم السمك وتقديم علاج طبيعي لتحسين طعم وريحة اللحم.

تقديم السمك الني لطيور البط ممكن يكون حامل لامراض او طفيليات وده ممكن يصيب طيور البط بأمراض وبكتريا معوية

تقديم السمك للبط بصورة كبيرة ممكن يتسبب في مشاكل في الهضم لطيور البط وممكن بردو التغذية المفرطة بالسمك تتسبب في حدوث تسمم بفيتامين أ.